Фудбалскиот шампион на Саудиска Арабија, Ал-Хилал, го продолжи договорот со својот тренер Жорге Жесус за уште една година, објави клубот на социјалните мрежи.
Во неговиот втор период на чело на саудискиот гигант, кој започна минатата година, португалскиот стручњак ја освои шампионската титула без пораз, со огромна разлика пред Ал-Наср со Кристијано Роналдо и со 101 постигнат и само 23 примени голови.
69-годишниот Жесус, кој претходно го водеше Ал-Хилал во 2018/19 година, исто така стигна до полуфиналето на азиската Лига на шампиони, го освои Купот на кралот победувајќи го Ал-Итихад во април, а исто така стигна до финалето на Купот на принцот против Ал-Наср кој ќе се игра во петок.
Ал-Хилал има освоено 19 домашни титули, како и 13 купа на принцот, а исто така четири пати триумфирал во азиската Лига на шампиони.
