Македонскиот репрезентативец Бојан Димоски е нов фудбалер на рускиот второлигаш Акрон Тољати. Тој предмалку и официјално е преставен како нов фудбалер на рускиот клуб, а се збогува со Академија Пандев.
Бојан Димоски треба да се приклучи на Акрон по обврските што ги има со репрезентацијата на Македонија во квалификациите за ЕВРО 2024, дуелите против Украина и против Англија.
Димоски во изминатите три сезони беше член на Академија Пандев, каде се промовираше во сениорски репрезентативец.
