Македонскиот репрезентативец Енис Барди ова лето си заминува од шпански Леванте, доколку клубот не успее да обезбеди опстанок во Ла Лига.
Како што пренесува „Леванте ЕМВ“, за Барди не е опција останување во клубот доколку следната сезона се натпреварува во втората шпанска лига. Интерес за македонскиот фудбалер има од клубови од Шпанија, Италија и Русија па сосема извесно ќе замине од Валенсија. Последен во низата заинтересирани за Барди е Спартак Москва.
Барди во Леванте пристигна во јули 2017 година за само 1,5 милиони евра од унгарски Ујпешт. Има договор до 2023 година со Леванте, а Шпанците засега за добивање на неговите услуги бараат 25 милиони евра.
