Нормално е Ерлинг Халанд да собира комплименти дури и од соиграчите по неговите досегашни настапи со тимот на Манчестер Сити. Неговиот соиграч меѓу „граѓаните“, Мануел Аканџи, е убеден дека напаѓачот е подготвен да ги подобри сите рекорди во Премиер – лигата.
Младиот Норвежанец сега има 14 гола на осум првенствени натпревари и изгледа незапирливо.
„Мислам дека ништо не може да го спречи да постигне 50 гола ако е здрав“, изјави Аканџи во интервју за „Скај Спортс“.
Двајцата се познаваат многу добро бидејќи играа заедно и во Борусија Дортмунд.
