Баерн Минхен доживеа дебакл на гостувањето во Франкфурт откако загуби од Ајнтрахт со 5-1. Тоа е прв пораз за баварскиот тим оваа сезона во Бундес-лигата.
Ајнтрахт за малку повеќе од половина час имаше водство од 3-0. Мармуш го отвори резултатот во 12.минута, Дина Ебимбе зголеми на 2-0 во 31.минута, а пет минути подоцна Ларсон постигна трет гол за домаќинот.
Пред крајот на првиот дел, Џошуа Кимих намали на 3-1, но тоа не го исплаши Ајнтрахт. Во второто полувреме, Дина Ебимбе и Кнауф го заокружија дебаклот на Баерн.
Унион Берлин ја победи Борусија Менхенгладбах со 3-1, а Вердер славеше против Аугсбург со 2-0. Фрајбург на гости го доби Волфсбург со 0-1, а Хајденхајм беше подобар од Дармштат со 3-2.
