Менаџерот на Манчестер Јунајтед, Ерик тен Хаг, е една од опциите пред раководството на Ајакс за нов тренер во новата сезона. Ситуацијата за холандскиот стручњак на чело на „црвените ѓаволи“ станува сѐ покомпликувана, а со секој изминат ден се зголемуваат шпекулациите за негов отказ.
Во исто време, во Холандија се тврди дека актуелниот тренер на Ајакс, Џон Ван’т Шип ќе ја напушти функцијата, а раководството почна да бара опции за негова замена.
Покрај името на Тен Хаг, се споменуваше и она на помошникот на Јирген Клоп во Ливерпул, Пел Линдерс.
По веста за заминувањето на Клоп, Линдерс објави дека прави нов чекор во кариерата со тоа што повеќе нема да биде асистент.
