Македонскиот репрезентативец Агон Елези добива нов тренер во германскиот бундеслигаш Бохум. Клубот го отпушти досегашниот стратег Томас Леч поради лошите резултати на тимот во претходниот период.
Бохум на последните шест натпревари има пет порази и само едно реми и е заглавен во битката за опстанок во Бундес-лигата.
Леч го презеде Бохум во септември 2022 година во време кога Бохум беше на последното место на табелата и успеа да го спаси тимот од испаѓање.
Бохум до крајот на сезоната ќе го предводи Хајко Бучер, досегашен тренер на тимот до 19 години.
