Сопственикот на Челси, Роман Абрамович, кој се наоѓа под строги санкции во Велика Британија, побарал дополнителни 500 милиони фунти за продажбата на клубот, тврди „Скај Њуз“. За ова во последните 48 часа се информирани заинтересираните кандидати за купување на клубот.
Според „Скај“, барањето на Абрамович е поврзано со неговата желба продажбата да достигне сума од 2,5 милијарди фунти. Доколку тоа се случи, тој ќе донира 1 милијарда од сумата во добротворни цели, за помош на разурнатите делови на Украина.
Оваа недела тројцата преостанати кандидати за купување на Челси почнаа да ги презентираат своите конечни понуди и се очекуваше до крајот на неделата да биде избран новиот сопственик.
