Раководството на Баерн Минхен разговарало за назначување на нов тренер и со менаџерот на Кристал Палас, Оливер Гласнер, тврди „Скај Германија“. Баварците бараат наследник на Томас Тухел кој си замина на крајот од сезоната.
Шефовите на баварскиот клуб разговарале со 49-годишниот Австриец по одбивањето на Ралф Рангник. Разговорите биле водени и со раководството на Кристал Палас, но од лондонскиот клуб биле децидни дека нема да го пуштат својот менаџер да си замине.
Гласнер го презеде Кристал Палас во февруари и тимот моментно настапува на многу високо ниво. И самиот стратег сака да ја продолжи својата работа во Англија.
На „Алијанц арена“ веќе се зборува за враќање на Ханси Флик откако дознаа дека нема да можат да го доведат ниту Оливер Гласнер.
