Барселона речиси сигурно ќе го ангажира играчот од средниот ред на Бетис, Гвидо Родригез, откри експертот за трансфери Фабрицио Романо. Договорот на 30-годишниот Аргентинец истекува на лето и се очекува како слободен играч да се пресели на „Камп Ноу“.
Двете страни веќе имаат устмен договор за трансферот и се очекува наскоро да бидат потпишани официјалните документи.
„Барселона и Гвидо Родригез имаат вербален договор веќе две недели. Трансферот го одобри и Чави Хернандез. За да потпише официјален договор, Барса мора да чека одобрување од финансискиот фер-плеј. Сепак, договорот се очекува во секој момент, а се прецизираат последните детали. Договорот на играчот ќе биде на две години со опција за продолжување до 2027 година“, открива Романо.
