Тотенхем ја прекина лошата серија од четири последовни порази и го победи Барнли со 2-1 на домашен терен, а за гостите тоа значи и испаѓање од елитата во Чемпионшип. Барнли поведе со голот на Брун Ларсен во 25.минута, но Тотенхем израмни преку Педро Поро пред одморот. Во вториот дел, Мики ван де Вен погоди во 82.минута за триумф на Тотенхем.
Вест Хем го победи Лутон со 3-1, па гостите исто така се на работ на испаѓање со оглед дека имаат три бода помалку од Нотингем Форест и многу послаба гол-разлика.
Кристал Палас го победи Вулверхемптон на гости со 1-3, а Евертон славеше против Шефилд Јунајтед со 1-0. Брентфорд го совлада Борнмут на гости со 1-2, а Њукасл и Брајтон ремизираа 1-1.
