Фудбалерот од средниот ред Софијан Амрабат ќе се врати во Фиорентина од Манчестер Јунајтед ова лето, откако „црвените ѓаволи“ нема да ја активираат клаузулата во неговиот договор со која би го потпишале трајно за 20 милиони евра.
27-годишниот марокански интернационалец немаше добра сезона во Премиер – лигата. Во услови на хаотична сезона за „црвените ѓаволи“, позајмениот играч од Фиорентина не успеа да најде место во составот.
Играчот од средниот ред ќе се врати во Фиренца, но Фиорентина нема намера да го задржи играчот чиј договор истекува во јуни 2025 година, па веднаш ќе се обиде да го продаде на лето.
„Тутоспорт“ објави дека Милан започнал разговори со Амрабат, а се верува дека Фиорентина бара меѓу 15 и 18 милиони евра за неговите услуги.
