Претседателот на Аталанта, Антонио Перкаси, изјави дека клубот ќе го откупи фудбалерот од средниот ред Шарл де Кетеларе од Милан. Позајмицата на офанзивниот играч истекува во летото 2024. Претходно Белгиецот изјави дека сака да остане во клубот од Бергамо поради добрата минутажа и статусот кој го има во тимот.
Оваа сезона, 23-годишниот Шарл Де Кетеларе забележа 44 настапи за Аталанта во сите натпреварувања, постигнувајќи 11 гола и забележувајќи девет асистенции.
Договорот на играчот со Милан е со важност до крајот на јуни 2027. Очекуваната цена на играчот, според италијанските медиуми, е околу 30 милиони евра.
