Енис Барди е херојот на Леванте откако македонскиот репрезентативец го постигна клучниот гол за опстанок на прволигашот од Валенсија.
Леванте гостуваше на Џирона во претпоследното коло од „Примера“ и мораше да победи за да не зависи од последната рунда и дуелот со Атлетико Мадрид. Задачата беше тешка, но кога беше најважно блесна Барди, кој со прецизен удар со левата нога донесе победа од 1-2, што значи и дефинитивен опстанок за Барди во елитното друштво.
