Шкупи во минатото коло го искористи киксот на Струга ТЛ и се израмни бодовно на врвот на табелата со актуелниот првак. Херој беше Емануел Аворнио, кој постигна два гола во финишот и донесе триумф во драматичната разврска. Тоа беше деби победа и за новиот тренер Ернест Ѓока.
Аворнио ќе биде еден од адутите на Шјупи и на денешното гостување во Гостивар.
„На натпреварот против Гостивар ќе дадеме максимум за да ги освоиме трите бода. Атмосферата во клубот е прекрасна и очигледно сите треба да очекуваат уште повеќе од овој тим. Иако игравме во недела, мислам дека не е време за одмор, бидејќи нашата цел е да станеме шампиони и мора да бидеме подготвени за сите натпревари. Подготвени сме да се соочиме со притисокот“, изјави Аворнио.
Актуелниот шампион Струга ТЛ неочекувано загуби од Силекс (2-3) на домашен терен во минатото коло и веќе нема право на кикс до крајот на шампионатот во трката за титулата. Денеска стружани гостуваат во Кавадарци и ќе имаат дуел против Тиквеш,
Шкендија на домашен терен ја пречекува Брера, а тренерот Јетон Ќерими ќе го нема на располагање крилниот напаѓач Роналдо Вебстер.
Силекс во Кратово е домаќин на Работнички, а интересни битки ќе се водат и за опстанок.
Во Штип, Брегалница е домаќин на Вардар, додека во Ѓорче Петров ќе играат Македонија ЃП и Воска Спорт.
ДВОЈКИ ПРВА ЛИГА, 30.КОЛО (денеска, 16 часот)
ТИКВЕШ – СТРУГА ТЛ
ШКЕНДИЈА – БРЕРА
ГОСТИВАР – ШКУПИ
СИЛЕКС – РАБОТНИЧКИ
БРЕГАЛНИЦА – ВАРДАР
МАКЕДОНИЈА ЃП – ВОСКА СПОРТ
