Даниел Божиновски во последен момент се премисли, па наместо да потпише договор со Брегалница, искусниот голман реши својата кариера да ја продолжи во далечниот Азербејџан. Сабаил е тимот чии бои ќе ги брани македонскиот голман, откако овој клуб експресно ги договори условите за едногодишна соработка со Божиновски, давајќи му понуда шт беше премногу добра за да се одбие.
Сабаил го освои третото место во Азербејџан сезонава, зад Карабах и Нефчи, па македонскиот голман ќе има можност да настапува со оваа екипа и во европските купови.
Во Сабаил како кондициски тренер работи Тони Богдановски, кој претходно исто така беше дел од тимот на Работнички.
