Костовски промовиран во дресот на Етникос Ахна

Македонскиот напаѓач, Јован Костовски својата кариера ќе ја продолжи во кипарскиот прволигаш Етникос Ахна. Костовски и официјално е промовиран во новиот клуб во кој ќе настапува следната сезона.

По долги години во дресот на белгиски Леувен, 32-годишниот Костовски се одлучи на разделба со клубот и преселба на Кипар. Претходно во својата кариера има настапи и за Вардар и Металург на домашната фудбалска сцена, како и за турски Ордуспор и ОФИ Крит во грчкиот шампионат.