Поранешниот легендарен голман на Баерн, Оливер Кан, даде интервју во кое изјави дека има само еден тим во светот со поквалитетни играчи од германскиот гигант.
Лигата на шампионите влегува во самата завршница. ПСЖ и Борусија Дортмунд се првите полуфиналисти, откако ги елиминираа шпанските клубови Барселона и Атлетико Мадрид. Честа на Ла Лига ќе ја брани Реал, кој вечерва во Манчестер против Сити го игра реваншот од четвртфиналето, откако првиот дуел во Мадрид заврши со резултат 3-3.
Германците би можеле да имаат два учесника во полуфиналето доколку Баерн Минхен вечерва на „Алијанц Арена“ го елиминира Арсенал. Првиот дуел во Лондон заврши со резултат 2-2.
Кан пред овој натпревар ги анализираше актуелните тимови во Лигата на шампионите и изјави дека само една екипа во светот моментално има подобри играчи од Баерн.
„Освен Манчестер Сити, ниту еден тим во моментов нема подобар ростер од Баерн“, изјави Оливер Кан.
Баерн Минхен со години суверено владееше со Германија, а сега титулата му припадна на Баер Леверкузен, кој под водство на Чаби Алонсо ја обезбеди првата титула во Бундес-лигата веќе во 29. коло.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski