Работнички го победи Вардар, реми за Струга ТЛ, Шкендија убедлива

Работнички и Вардар се сретнаа на Националната арена Тодор Проески, а на крајот се радуваа „романтичарите“ кои славеа со 2-0. Тоа е многу важен триумф за тимот на Горан Станиќ во битката за обезбедување опстанок. Стрелец на водечкиот гол за Работнички беше Димитар Тодоровски во 76.минута од дуелот, а Атдхе Мазари во финишот погоди за 2-0.

Струга Трим Лум ремизираше со Брегалница (2-2) на домашен терен и сега има еден бод предност на врвот на табелата. Стрелци на головите за стружани беа Буњамин Шабани во 42.минута и Бесарт Ибраими во 86.минута од пенал. Брегалница одигра одлично во второто полувреме и постигна два гола преку Филип Стојчевски (67.) и Ремзифаик Селмани (73.).

Шкендија во Тетово го пречека Силекс и славеше со убедливи 6-1. Красниќи донесе водство за Шкендија, а израмни Ефтимов. Сепак, потоа се беше во корист на Шкендија која до врв ја наполни мрежата на кратовци. Цаке повторно донесе предност за Шкендија, потоа следеше автогол, а до крајот погодија уште еднаш Красниќи, Рамадани и Аганспахиќ.

Вчера се одиграа преостанатите три натпревари од 27.коло во Првата лига. Шкупи го победи тимот на Македонија ЃП со 3-1, Брера минимално славеше против Воска Спорт со 1-0, а Гостивар беше подобар од Тиквеш со 2-1.

ПРВА ЛИГА, 27.КОЛО – РЕЗУЛТАТИ

РАБОТНИЧКИ – ВАРДАР 2-0

СТРУГА ТЛ – БРЕГАЛНИЦА 2-2

ШКЕНДИЈА – СИЛЕКС 6-1

ШКУПИ – МАКЕДОНИЈА ЃП 3-1

БРЕРА – ВОСКА СПОРТ 1-0

ГОСТИВАР – ТИКВЕШ 2-1