Астон Вила го задржа максималниот ефект на домашен терен во Конференциската лига откако го совлада Лил со 2-1. Тимот на Унаи Емери поведе со голот на Оли Воткинс во 13.минута, а Џон Мекгин на почетокот на вториот дел зголеми на 2-0.
Бафоде Дијаките во 84.минута ги врати надежите на Лил за пласман во следната рунда, со оглед дека реваншот се игра во Франција за седум дена.
Клуб Бриж беше поуспешен од ПАОК и победи со 1-0. Хуго Ветлесен во шестата минута го постигна единствениот гол за белгискиот тим.
