Главниот фаворит за нов менаџер на Ливерпул, Рубен Аморим, изјави дека не се сретнал со претставници на „црвените“ и нема договор со англискиот клуб. Португалецот има одлична сезона на кормилото на Спортинг Лисабон и е блиску да го одведе лисабонскиот гигант до титулата.
„Не сум се сретнал со Ливерпул, не сум имал интервју или договор. Тоа не е точно“, изјави Аморим.
„Јас сум тренер на Спортинг. Сакам да победувам со овој клуб, а не сум се сретнал со други. Ништо не е договорено“, истакна тој.
„Престанете со оваа приказна. Ова е последен пат да зборувам за мојата иднина“, заклучи португалскиот стручњак.
