Многумина се прашуваат зошто Фил Фоден го носи дресот со број „47“ кој е необичен за фудбалските ѕвезди. Англискиот репрезентативец е клучен играч во Манчестер Сити, но на неговиот грб има број кој вообичаено го носат јуниорите во тимовите.
Фил Фоден откри дека игра со овој број поради неговиот дедо кој починал на точно 47 години.
„Долго размислував кој број да го земам, но на крајот го избрав „47“ поради мојот дедо кој почина многу млад. Сакам да направам традиција со оваа бројка“, објасни Фил Фоден.
23-годишниот фудбалер има одлична сезона, досега има 14 гола (два хет-трика) и седум асистенции.
