Бразилскиот интернационалец Винисиус Жуниор нема намера да го напушти Реал Мадрид претстојното лето, информираше весникот „Марка“.
Репрезентативецот на Бразил е убеден дека ќе продолжи да биде клучен играч и покрај очекуваниот трансфер на Килијан Мбапе. Винисиус има договор со клубот до 2027 година.
„Сите сакаме да играме со Килијан, се надеваме дека тоа ќе се случи еден ден. Тој е еден од најдобрите во светот, ако не и најдобар во моментов”, прокоментира Бразилецот.
23-годишниот Винисиус Жуниор има 28 настапи и 18 голови за Реал Мадрид оваа сезона.
