Елиф Елмас дебитираше за Наполи на дуелот со Кремонезе и се очекуваше да настапи и на утрешната пресметка со Ливерпул, но македонскиот ас сепак нема да излезе на мегдан со актуелниот европски шампион.
Тренерот Карло Анчелоти не го вклучи Елмас на листата со патници за Шкотска, во експедицијата на „наполитанците“ што попладнево ќе полета кон Единбург.
„Екипата ќе полета за Единбург, каде утре со почеток во 18 часот ќе игра со европскиот првак Ливерпул во првиот меѓународен тест летово. За Единбург нема да патуваат Елмас, Малдуит и Тонели“ – објави Наполи.
