Жоао Феликс сака да продолжи да игра за Барселона. Португалскиот репрезентативец е во сопственост на Атлетико Мадрид, но од минатото лето игра како позајмен во Барса.
„Мојот став е јасен – сакам да останам во Барселона. Сигурно ќе бидам среќен ако продолжам тука. Моето семејство исто така ќе биде среќно, но тоа не зависи од мене. Да видиме што ќе се случи, би сакал да играм на Камп Ноу“.
Ќе видиме што е потребно за да се случи тоа. Исто така, би сакал Чави да се предомисли и да продолжи тука како тренер, тој е голем стратег и има одлични идеи“, изјави 24-годишниот напаѓач.
Португалецот од 2019 година е во сопственост на Атлетико Мадрид, а пред една сезона беше прекомандуван во англискиот Челси.
Тренерот на Каталонците, Чави Хернандез, најави дека ќе ја напушти функцијата на крајот од сезоната.
