Менаџерот на Арсенал, Микел Артета, го пофали настапот на неговиот тим против Лутон. „Топчиите“ победија со 2-0 на „Емирати“ и се најдоа на врвот на табелата во Премиер – лигата со 68 бода.
„Тоа беше тежок натпревар. Мораме да му оддадеме признание на Лутон. Тие се добар тим кој ни задаваше проблеми. Дадовме два добри гола пред паузата, но во вториот дел не можевме да го одржиме ритамот што го сакавме поради стилот на противникот“, изјави Артета.
„Многу сум среќен со момците кои дојдоа од клупата. Сега имаме значително поголем избор бидејќи скоро сите се здрави. Импресиониран сум од Емил Смит-Роу. Работи многу напорно на тренинзите, а се виде дека може да биде корисен и на натпреварите“, додаде шпанскиот стратег.
Следниот натпревар на Арсенал е на 6 април против Брајтон.
