Менаџерот на Ливерпул, Јирген Клоп, вели дека не е вознемирен од тоа како ќе одиграат ривалите за титулата Арсенал и Манчестер Сити, иако очекува двата тима да ги добијат сите натпревари до крајот. Германецот изјави дека дербито со Манчестер Јунајтед на крајот на неделата во никој случај нема да влијае на неговиот избор на составот за утрешната пресметка со Шефилд Јунајтед.
„Црвените“ водат на табелата во Премиер лигата со 67 бода, два повеќе од второпласираниот Арсенал и три пред шампионот Манчестер Сити.
Клоп изјави дека Кертис Џонс би можел да се врати на теренот против Шефилд. Сепак, Диого Жота, Трент Александер-Арнолд и Алисон ќе продолжат со тренинзите следната недела, што значи дека нема да бидат достапни за неделното дерби на „Олд Трафорд“.
„Кертис Џонс тренира напорно и е достапен за утре. На останатите момци им оди добро. Диого и Трент тренираат заедно и се надеваме дека следната недела веќе ќе учествуваат на некој од тренинзите на тимот. Алисон работи со тренерите на голманите. Изгледа добро. Според него, следната недела и тој ќе се приклучи на тимските активности. Што се однесува до нас, едноставно е. Треба да ги победи сите натпревари до крајот. Нѐ очекува тешко, но возбудливо време. Сите со нетрпение го очекуваме“, заврши Клоп.
