Иван Тричковски одигра натпревар за паметење во дресот на АЕК Ларнака, постигнувајќи четири гола за кипарскиот тим на гостувањето во Софија против Левски.
АЕК имаше удобни 3-0 од првиот меч одигран на Кипар, но Тричковски со свое гол-шоу јасно стави до знаење дека Левски нема што да бара на овој реванш, воедно и покажувајќи зошто лани беше избран за најдобар фудбалер во кипарскиот шампионат.
Серијата голови ја почна од белата точка, а македонскиот репрезентативец потоа постигна уште три погодоци од игра, во еден од најдобрите натпревари во својата кариера.
