Претседателот на Наполи, Аурелио Де Лаурентис, е цврсто решен да го види Антонио Конте на чело на својот тим, пишува „Газета дело спорт“.
Како што е познато, минатиот октомври Конте одби да ги преземе „партенопеите“ по нивната разделба со Руди Гарсија. Сепак, по завршувањето на сезоната, Де Лаурентис ќе направи уште еден обид да го ангажира поранешниот шеф на Јувентус, Челси, Интер и Тотенхем.
Привремениот тренер Франческо Калзона сигурно ќе си замине на лето бидејќи сака да ја продолжи својата главна обврска како селектор на репрезентацијата на Словачка.
Според италијанскиот медиум, претседателот на Наполи е подготвен да обезбеди и огромна плата за Конте и трансфер буџет за засилувања на тимот.
Парите за нови засилувања ќе дојдат од потенцијалната продажба на најдобриот стрелец Виктор Осимен, кој е проценет на повеќе од 100 милиони евра. Можна замена за него кај „наполитанците“ би можел да биде Ромелу Лукаку, кој веќе соработуваше со Конте во Интер.
Сега тој е на позајмица во Рома, а на лето Челси ќе бара друг тим за него.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski