Во Шпанија и понатаму голем интерес предизвикуваат информациите кој ја плати кауцијата на Дани Алвеш во висина од 1 милион евра. Бразилецот моментно е на слобода, иако е осуден на затвор поради силување.
Судот во Шпанија донесе одлука дека фудбалерот може да биде ослободен доколку некој е подготвен да ја плати сумата, бидејќи сметките на Алвеш одамна се блокирани.
Се говореше дека Нејмар е подготвен да му помогне на својот пријател, но подоцна беше откриено дека неговото семејство одбило да го стори тоа. Потоа се појавија шпекулации дека Алвеш бил спасен од неговиот поранешен соиграч Мемфис Депај, но и оваа информација остана непотврдена.
Сепак, медиумите во Шпанија стигнаа до вистината. Денеска се дозна дека кауцијата на Алвеш ја платил познатиот бразилски магазин „Quem“. Во замена за парите, фудбалерот ќе даде ексклузивно интервју за тоа што му се случува во животот, ќе открие детали од затворот, па дури ќе се снима и документарен серијал на оваа тема.
