Тотенхем со многу мака успеа да дојде до победа (2-1) на домашен терен против Лутон. Сега лондонскиот тим се израмни со Астон Вила со 56 бода во трката за четвртата позиција која води во Лигата на шампионите.
Лутон поведе во третата минута со голот на Тахит Чонг, а Тотенхем долго не успеваше да го пробие бедемот на гостите. Во 51.минута Каборе си постигна автогол откако сакаше да расчисти пред Тимо Вернер, а победничкиот гол за Тотенхем беше дело на Хјонг – Мин Сон во 86.минута од дуелот.
Челси одигра само 2-2 дома против Барнли, иако гостите играа со фудбалер помалку од 40.минута кога беше исклучен Лоренц Асињон.
Кол Палмер од пенал донесе предност за Челси во 44.минута, но Џош Кулен израмни на почетокот на вториот дел.
Повторно Палмер обезбеди водство за Челси со голот во 78.минута, но Дара О’Ши се погрижи за реми на „Стемфорд бриџ“.
Борнмут го победи Евертон со 2-1, а Шефилд Јунајтед и Фулам во голеада одиграа 3-3. Нотингем Форест и Кристал Палас ремизираа 1-1.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski