Баер Леверкузен беше блиску и до прв пораз, но во финишот успеа да даде два гола и да стигне до триумф од 2-1 против Хофенхајм на домашен терен. Бејер во 33.минута донесе водство за гостите, а Андрих во 88.минута и Патрик Шик во 91.минута донесоа пресврт и победа за Баер Леверкузен.
Лајпциг одигра само 0-0 на домашен терен против Мајнц. Елиф Елмас доби шанса во последните неколку минути од мечот.
Фрајбург славеше на гости против Борусија Менхенгладбах со 0-3, а и Волфсбург стигна до триумф (0-2) против Вердер. На дуелот меѓу Ајнтрахт Франкфурт и Унион Берлин немаше голови.
