Македонскиот интернационалец Влатко Стојановски дебитираше за Ним на мечот против Ница (1-2) во второто коло од францускиот шампионат. Француските медими истакнуваат дека по негова акција не беше досуден пенал за Ним. По центаршутот на Влатко Стојановски еден фудбалер на Ница играше со рака во шеснаесетникот, но судијата не покажа на белата точка. На мечот имаше три црвени картони и многу нервоза.
Влатко Стојановски влезе во игра во 68.минута на местото на Харис Дуљевиќ и имаше забележителен настап во дебито со францускиот прволигаш.
