МАКФУДБАЛ ИГРАЧ на колото: Марјан Радески (Струга ТЛ)

Актуелниот шампион Струга Трим Лум оствари многу важен триумф (1-2) на гости против Работнички и се одлепи на врвот на табелата. Иако стружани не блескаа, сепак, во своите редови имаат фудбалери кои со еден потег можат да го сменат текот на натпреварот.

Таков беше потегот на Марјан Радески, кој на почетокот на вториот дел исфрли од игра неколку противнички фудбалери и ја погоди мрежата на Работнички.

МАКФУДБАЛ го избра Марјан Радески за најдобар фудбалер на 24.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.