Централниот дефанзивец на Баерн Минхен, Дајот Упамекано, би можел да ја продолжи кариерата во Лига 1. Пари Сен Жермен е клубот кој сака да го ангажира 25-годишниот Французин, гледајќи го како одлично дефанзивно засилување за летниот преоден рок.
Покрај парижаните, за услугите на играчот се заинтересирани и два клуба од Премиер – лигата, Челси и Манчестер Јунајтед.
Упамекано му се приклучи на Баерн Минхен во летото 2021 година. Оттогаш, тој одигра 107 натпревари, постигнувајќи три гола и осум асистенции. Неговиот договор е до крајот на сезоната 2025/26.
Вредноста на Французинот е проценета на 60 милиони евра.
