ЛШ: Барселона во четвртфиналето, продолженија на „Емирати“ (ВИДЕО)

Барселона успеа да обезбеди пласман во четвртфиналето на Лигата на шампионите откако на домашен терен го победи Наполи со 3-1. Со оглед дека првиот дуел во Неапол заврши 1-1, тоа беше повеќе од доволно за шпанскиот гигант да се најде меѓу осумте најдобри екипи во елитното европско клупско натпреварување.

Trossard’s goal against Porto pic.twitter.com/D08phzehKf

— Ebra (@AFC_Ebra) March 12, 2024

На „Емирати“ ќе се играат продолженија, со оглед дека Арсенал победи со 1-0 во регуларниот дел, идентично како што Порто славеше на првиот меч. Леандро Тросар во 41.минута го постигна голот за Арсенал.

Фермин Лопез во 15.минута донесе водство за Барселона, а Жоао Кансело само две минути подоцна зголеми на 2-0.

Амир Рахмани постигна гол за Наполи во 30.минута и го врати италијанскиот тим во игра, но пресуди Роберт Левандовски со погодокот во 83. минута.