Лацио денеска неочекувано остана без тренер откако Маурицио Сари поднесе оставка.
На ваквата одлука и претходеа четири последовни порази, како и елиминација во осминафиналето на Лигата на шампионите, но како причина за неговата оставка се наведува немањето поддршка од раководството на клубот кога е во прашање градењето конкурентен тим.
Кој ќе го преземе Лацио, сега се прашуваат италијанските медиуми.
Најпознато име е Мирослав Клосе, кој не работеше никаде откако беше тренер во австрискиот Алтах, а се споменуваат и Томасо Роки и Кристијан Броки.
Клосе наводно би го прифатил договорот до крајот на сезоната, но Клаудио Лотито ќе разговара и со Роки, кој го предводеше младинскиот тим на Лацио, како и со Броки за сѐ да добие поголема слика.
Лацио моментно е на деветтата позиција во Серија А со 40 бодови.
