Германскиот првак Баерн Минхен ќе го реконструира тимот за следната сезона. Иако сѐ уште нема одлука кој ќе го замени тренерот Томас Тухел на кормилото, раководството на клубот има планови за нови засилувања.
Една од целите на баварскиот клуб е Чави Симонс, одличниот фудбалер на Лајпциг, кој всушност е позајмен играч од Пари Сен Жермен. „Светците“ речиси сигурно ќе го вратат на лето во Париз, а Баерн крои план како да го „украде“ и да го доведе на „Алијанц арена“.
Холанѓанецот има договор со ПСЖ до јуни 2027 година.
