Менаџерот на Манчестер Јунајтед, Ерик тен Хаг, го прокоментира поразот на неговиот тим со 1-3 во градското дерби против Манчестер Сити од 27. коло на англиската Премиер – лига.
Според холандскиот стрaтег, неговите играчи можеле да заминат како победници.
„Се браневме брилијантно, бевме блиску до победа или барем реми на „Итихад“. Тоа беше добар настап во целина. Играчите дадоа сѐ од себе. Имавме двајца играчи на теренот кои не беа 100%, Џони Еванс и Маркус Рашфорд, и тие дадоа сѐ од себе, а исто така и целиот тим. Во друг ден можевме да го добиеме овој натпревар“, изјави Тен Хаг.
