Тричковски повторно стрела: И шести гол сезонава во Кипар… (ВИДЕО)

Македонскиот репрезентативец Иван Тричковски продолжува со одличните партии во кипарскиот шампионат. Тричковски повторно беше стрелец за својата АЕК Ларнака во победата од 5-1 над Ахнас во кој настапуваат тројца македонски фудбалери (Богатинов, Костовски и Марковски).

Популарниот Тричко беше стрелец на вториот гол за својот тим во судиското надополнување во првиот дел од мечот. Ова за него е шести гол во петтиот натпревар сезонава со што е најдобар стрелец во кипарскиот шампионат.