Брајтон остана без Митома до крајот на сезоната

Напаѓачот на Брајтон, Каору Митома, ќе биде надвор од теренот до крајот на сезоната, објави менаџерот Роберто Де Зерби.

„Ова е голем проблем за нас. Веројатно ќе отсуствува 2-3 месеци и најверојатно сезоната за него е завршена“, изјави Де Зерби.

Оваа сезона 26-годишниот Јапонец одигра 26 натпревари за Брајтон, постигнувајќи три гола и шест асистенции.

Неговиот ефект за англискиот клуб минатата сезона беше 41 натпревар, 10 гола и осум завршни додавања.