Џирона ја прекина лошата низа од три меча без триумф и конечно победи во Ла Лига. На домашен терен, второпласираниот тим во лигата славеше со 3-0 против Рајо Валјекано, составот на Столе Димитриевски.
Нашиот репрезентативен голман беше на голот на Рајо, а не успеа да ги спречи ударите на Циганков во 52.минута и на Савио во 91. и во 95. минута од дуелот.
Џирона сега има шест бода негатива во однос на лидерот Реал Мадрид.
