Реал Мадрид стигна до нова победа во Ла Лига откако ја совлада Севилја со 1-0 на „Сантијаго Бернабеу“. Стрелец на победничкиот гол за „кралевите“ беше Лука Модриќ во 81.минута од дуелот.
Тимот на Анчелоти долго не можеше да го скрши отпорот на гостите, па италијанскиот стратег во игра го уфрли Модриќ на местото на Начо во 75.минута. Само шест минути подоцна, Хрватот го направи потегот на натпреварот и постигна гол со шут од 20 метри.
По овој триумф, Реал Мадрид има 65 бода на врвот на табелата во Ла Лига, осум повеќе од Барселона.
