Јувентус ја прекина лошата низа резултати во Серија А со триумф од 3-2 против Фросиноне. „Старата дама“ буквално во последните мигови од мечот стигна до победата со голот на Даниеле Ругани во 95.минута од мечот.
Сега Јувентус има 57 бода, шест помалку од лидерот Интер, но и два одиграни натпревари повеќе.
Душан Влаховиќ го доведе Јувентус во водство во третата минута, но Чедира и Брешианини го шокираа домаќинот со два гола, во 14. и во 27.минута.
Влаховиќ во 32.минута постигна гол за израмнување, а потоа Јувентус долго бараше решение како да стигне до победа. На крајот, буквално во последниот напад, Ругани успеа да ја затресе мрежата на Фросиноне.
