Челси размислува за продажба на голманот Роберт Санчез. Неговото отсуство поради повреда значи дека неговата иднина на „Стемфорд Бриџ“ сега е неизвесна.
Лондонските „сини“ го гледаат голманот на Арсенал, Арон Рамсдејл, кој би можел да биде потенцијална замена за Шпанецот.
Санчез, кој не игра од средината на декември поради повреда на коленото, го чинеше Челси 28,7 милиони евра кога беше доведен од Брајтон.
Тој ја започна сезоната како неприкосновен стартер на Маурисио Покетино, забележа 19 настапи во сите натпреварувања, прими 26 гола и пет пати ја сочува мрежата.
Сепак, неговото отсуство поради повреда му ја отвори вратата на надежниот Ѓорѓе Петровиќ и нејасно е дали Шпанецот ќе добие уште една шанса да се врати на голот.
Поради оваа причина, Челси е подготвен да заработи од Санчез доколку за него пристигне вистинската понуда по крајот на сезоната. Неговиот договор со лондончани е до 2030 година.
