Поранешниот македонски селектор Ѓоко Хаџиевски по повеќе од една година повторно се враќа во Обединетите Арапски Емирати. Хаџиевски во иднина ќе биде нов тренер на прволигашот од ОАЕ, ФЦ Емирејтс.
Хаџиевски, за кого Емирејтс е 19-ти клуб во кариерата, се враќа во ОАЕ откако претходно го водеше и тимот на Ал Дарфа. Минатата година беше и спортски директор и на неколку натпревар тренер на Беласица, но по кратката авантура се раздели со струмичани по што беше без ангажман.
Ѓоко Хаџиевски претходно во својата кариера беше тренер и на Пелистер, Вардар, Силекс во Македонија, како и ЦСКА Софија, Војводина, Џубило Ивата, Касторија, Докса, Баку, Атримитос, Најран, Ал Таевон, Хата…
