Леванте го слави Барди: Еврогол за победа во Гранада

Енис Барди беше во главна улога на попладневниот дуел меѓу Гранада и Леванте, на кој токму македонскиот репрезентативец му ја донесе победата на својот тим од 1-2.

Во моментите кога се чинеше дека мечот ќе заврши без победник, една топка стигна до Барди на дваесетина метри од противничкиот гол, а Македонецот со фантастичен „проектил“ ја смести во мрежата.