Томас Тухел најверојатно нема да седи на клупата на Баерн во следната сезона. Раководството на баварскиот клуб не е задоволно од постигнатите резултати на 50-годишниот стручњак и доколку отсуствуваат трофеите, тој ќе стане поранешен. Сепак, ова очигледно не го погодува премногу Тухел бидејќи тој ги понудил своите услуги на Барселона.
Германецот е под договор со Баерн Минхен до јуни 2025 година. Сепак, Тухел очигледно разбрал дека немаат намера да продолжат и следната сезона со него во Минхен, па ги понудил своите услуги на Барселона и е сериозно заинтересиран да го води каталонскиот гигант.
Тухел на крајот од минатата сезона го замени Џулијан Нагелсман на клупата на Баерн и за чудо успеа да ја освои титулата во Бундес-лигата. Имаше многу среќа во последното коло, кога Борусија Дортмунд беше во добитна позиција, но не успеа да стигне до шампионски трофеј.
Сепак, оваа сезона тимот на Баерн Минхен игра исклучително скромно и навивачите, но и раководството на клубот, не се задоволни од резултатите.
