Реал Мадрид оствари минимален триумф (0-1) на гости против Лајпциг во првиот осминафинален натпревар од Лигата на шампионите. Македонскиот репрезентативец Елиф Елмас доби шанса од 75.минута, кога влезе на местото на Дани Олмо.
„Кралевите“ славеа со голот на Брахим Дијаз во 48.минута. Покрај стрелецот, херој беше и голманот Андриј Лунин, кој имаше неколку клучни одбрани на овој дуел. Реваншот се игра на 6. март на „Сантијаго Бернабеу“.
Актуелниот европски првак Манчестер Сити победи со 1-3 на гости кај Копенхаген и практично го осигура пласманот во четвртфиналето, иако ќе следи реванш на „Итихад“.
Кевин де Бруин беше стрелец во десеттата минута, а потоа имаше уште две асистенции, при головите на Бернaрдо Силва во 45.минута и на Фил Фоден во 93.минута од мечот.
Копенхаген единствениот гол го постигна преку Магнус Матсон во 34.минута.
