Арсенал го победи Ливерпул на „Емирати“ со 3-1 и се доближи на само два бода во трката за шампионската титула. Менаџерот на „топчиите“ Микел Артета беше среќен поради триумфот, но се чини дека малку и претера со славењето „глумејќи“ го колегата од Ливерпул, Јирген Клоп.
Овој потег на Артета веднаш ги запали социјалните мрежи и особено ги налути навивачите на Ливерпул. Шпанецот во стилот на Клоп дојде до центарот и ги поздрави навивачите на „топчиите“, идентично како веќе познатиот начин на славење на Јирген Клоп.
